Ног азы хæдразмæ Ирыхъæуы бынæттон администарци (Чилæхсаты Алан) зæрдиаг лæвæрттæ скодта хъæуы фæкæсынхъуаг, сидзæр, бирæбинонджын сывæллæттæн – æдæппæтæй 30 хæдзары сабитæн. 

Сæ ныййарджытимæ, хиуæттимæ сæ æрбахуыдтой администрацимæ æмæ сын сæ лæвæрттæ Ног азы назбæласы цур радтой хъæуы «Ныхас»-ы сæрдар Хъæцмæзты Юрий, Чилæхсаты Алан, администрацийы кусджытæ Сиукъаты Иринæ æмæ Хъесаты Зарæ.

Хъæуы бынæттон администраци лæвæрттæ самал кодта йæхи фæрæзтæй, баххуыс ма йын кодта дукани «Мясной дар»-ы хицау Кокайты Артур.
Сæ лæвæрттæ исгæйæ, сабитæ дзырдтой æмдзæвгæтæ, зарыдысты, кафыдысты æхцон музыкæйы зæлтæм.
Ныййарджыты номæй администрацийы æппæт кусджытæн æмæ Кокайты Артурæн бузныг загътой Зозырты бинонтæ.

ГАССИТЫ Моисей.