Цæгат Ирыстон-Аланийы Мыхуыры хъуыддæгты æмæ дзыллон коммуникациты комитет æмæ сывæллæтты литературон аивадон журнал "Ногдзау" Хетæгкаты Къостайы райгуырды 160 азы цытæн расидтысты литературон конкурс сывæллæтты 'хсæн - "Къостайы фæдонтæ". Сæ фыст æмдзæвгæтæ бавдыстой 60 скъоладзауы.

Проекты нысан у ирон æвзаг парахат кæнын, рæзгæ фæлтæры æмæ сывæллæтты сфæлдыстадмæ хъус дарын.

Конкурсмæ кæй равзæрстой, уыцы скъоладзаутæн Мыхуыры хъуыддæгты æмæ дзыллон коммуникациты комитеты лæвæрдтой Арфæйы фыстæджытæ æмæ æхцайы премитæ. Конкурсы уæлахиздзаутæ систы Дзæуджыхъæуы æмæ республикæйы     районты скъолаты ахуырдзаутæ (æрбацыдысты сæ ахуыргæнджытимæ).

Мадзал амыдта æмæ литературон конкурсы, ирон æвзаджы     ахадындзинады тыххæй раныхас кодта Мыхуыры хъуыддæгты æмæ дзыллон коммуникациты комитеты сæрдар Фидараты Юри. Уый фæстæ уæлахиздзаутæ дзырдтой, конкурсмæ кæй бавдыстой, уыцы æмдзæвгæтæ.

Лæвæрттæ раистой сæ ахуыргæнджытæ дæр.

Конкурсы уæлахиздзаутæ систы: Кодзырты Станислав, Дриаты Миланæ, Рубайты Зæринæ, Дзебысаты Миланæ, Дзанайты Лейлæ, Æгайты   Дианæ, Сарахъаты Каринæ,  Хъамболты Татьянæ, Сопойты Дианæ, Челæхсаты Даниэлла, Гаглойты Лиля, Бызыккаты Алинæ, Гæззаты Амандæ, Гуырцъыты Кристинæ æмæ Четиты Данил.

15 уæлахиздзауæй 5 уыдысты Джызæлы скъола-интернат æмæ 1-æм скъолайы ахуыргæнинæгтæ: Дриаты Миланæ, Æгайты Дианæ, Дзебысаты Миланæ, Гуырцъыты Кристинæ æмæ Дзанайты Лейлæ.

Конкурс саразджытæн бузныг загътой ахуыргæнджытæ. Се 'ппæтæн та арфæйы ныхæстæ саккаг кодта журнал "Ногдзау"-ы рауагъдады редактор Сæлбиты Дианæ.

Конкурсы уæлахиздзæутæ, райсут газет “Фидиуæг”-ы арфæтæ дæр!

ГАССИТЫ Моисей.

Печать