Ахуыргæнинæгты сæрдыгон улæфт куыддæр райдыдта, афтæ нæ районы иумæйагахуырадон астæуккаг скъолаты дæр сæ куыст райдыдтой фæлладуадзæн лагерьтæ. Уыдон ахастой дыууæ рады æмæ фесты 2-æм июлы. Афтæ уыд Ирыхъæуы скъолайы дæр.

Ныр ацы скъолайы техникон кусджытæ æмæ хæринаггæнджытæ æрæвнæлдтой сæ ахуыргæнæндон ног ахуыры азмæ цалцæг кæнынмæ. Ахорынц æртæуæладзыгон скъолайы тыргътæ, асинтæ, кълæстæ, кабинеттæ, хæрæндон, иннæ хатæнтæ. Агъуысты фасады сæрст кæмдæрты æркалд, æмæ уыдон дæр сцалцæг кæндзысты.

Цалцæггæнæн куыстыты æрвылбон дæр архайынц техникон кусджытæ Бестауты Фатимæ, Хуыбылты Неля, Дзантиаты Альбинæ, Елбачиты Мая, хæринаггæнджытæ Бырциты Иннæ æмæ Пæрæстаты Кетино,

шофыр Уалыты Гия, хæдзарадон хъуыддæгты хайады сæргълæууæг Хъæцмæзты Юри æмæ æндæртæ.

Ныфсæвæрæн ис, ацы астæуккаг скъола ног ахуыры азмæ цæттæ кæй уыдзæн, уымæй.

ГАССИТЫ Моисей,

ХЪÆЦМÆЗТЫ Юрийы

ист къам