Октябрыхъæуы бынæттон администраци стыр æргом здахы сыгъдæгдзинадмæ азы кæцыфæнды афон дæр. Æрвылаз арæх саразæм зиуы бонтæ: ныссыгъдæг кæнæм уынгтæ, фæндæгты алфамбылæйттæ, фæсвæд бынæттæ. Акалæм зæронд кæлæтддзаг бæлæстæ, бахсæдæм уæлдай къалиутæ.

Ацы хъуыддаджы активон сты хъæубæсты фылдæр цæрджæтæ дæр.
Уалдзæг æрбацыд æмæ та санитарон уавæрмæ тынгдæр аздахын хъæуы нæ хъусдард. Ам къаддæр бæрнондзинад нæй, нæ хъæуы цы ахуырадон уагдæттæ, сабидæттæ, дуканитæ, базаргæнæн тæппытæ, кусæндæттæ æмæ æндæр организацитыл, корпусты æмæ хицæн хæдзæртты цæрджытыл.
Æрбалæууы ирон адæмы кадджындæр бæрæгбæттæй сæ иу – Куадзæн, уыдзæн 8-æм апрелы, хуыцаубоны. Æмæ уæдмæ нæ алыварс, уæлмæрдтæ ныссыгъдæг кæнæм, бафснайæм сæ.
Октябрыхъæуы бынæттон администраци уæлмæрдты Куадзæнмæ сыгъдæгдзинады бонтæ сараздзæн, фæлæ курæг стæм, ам ныгæд чи ис, уыдоны бинонтæй, хиуæттæй, цæмæй сын уæдмæ сæ ингæнтæм куыд базилой. Иуæй-иу ингæнтæ бынтон æдзæллаг уавæрмæ æрцыдысты, скъутæр сты. Уæ хорзæхæй, ма фæзивæг кæнут уыдон фæткмæ æркæнынмæ.
Джергаты Алан, Октябрыхъæуы бынæттон администрацийы сæйраг специалист.